panne...

Panne
Fati hui si copy ke purane panno par,
apne haseen palo ko mai kaid karta tha,
kabhi likh kar, kabhi chitra bana,
mai rekhao se khela karta tha…
Kabhi bbhai se lad, maa se ruth kar,
Angan ke amrood ke ped ke peeche chip jata tha,
Kabhi papa ki daant se bachkar,
Padosi kaka ki rasoi me ghus jata tha…
Balla utha maa ko ansoona kar,
maidon me bhaag jata tha…
raat ko pooja me der se aane par,
papa ke gusse se bhai bachata tha,
mai roos kar chandani me,
phir panno me kho jata tha….

Kuch bada hua to,
andhi daur me jut gaya,
Pata nahi kab, panne fat gaye,
kab kalam kahi choot gaya,
mai daurata raha,
par kabhi kahi pahucha nahi,
mai jeetata gaya,
khushi panno me raha gayi wahin….

Aaj bhi sochta hu ki,
Panno me jindagi thi ya jindagi ke panne,
Aaj bhi kahi yaado me dhundhta hu,
Dhundhlati aankho se wo panne…..

Kyu tu pareshaan hai?

Kyu tu pareshan hai?-2
Naino me bas ja mere,
Chup ja tu mujhme kahin,
Rango me ram ja mere,
Bas ja tu ab to wahin….

1. Teri hansi ko tarasi,
Meri har-ek pal ki dua,
Boondo me rab ki barsi,
Aansu me lipati sada…
Tere jo dil me ho,
Khul ke tu bata de mujhko,
Maun na aise ho,
Teri khamoshi sataye mujhko…

2. Yaad hai mujhko,
Kabhi mai bhi aisi royi thi..
Simat ke tujhse,
Maine jindagi sanjoyi thi…
aaj tu chup sa hai,
chod kaise du tujhe,
saath ki jarurat hai,
aa chupa lu mai tujhe….

Shahar Shahar ki kahani....

Mumbai-
Q- bhai sahab ATM kahaan hai?
A-(In marathi) saala marathi nahi bola... maaro...
Delhi
Q- bhai sahab ATM kahaan hai?
A- 100 rs de to bataunga...
Kolkata
Q- bhai sahab ATM kahaan hai?
A- ATM to udhar hai par paisa nahi hai... Bank ki hadtaal hai...
Patna
Q- bhai sahab ATM kahaan hai?
A- Kal tak to yahaan tha...aaj shayad netaji ke bangle me le gaye hain....
South
Q- bhai sahab ATM kahaan hai?
A- This is land of rajnikant.. we need no ATM...yanna raskala....

Ki maa tu meri dost hai…

Gam me. har khushi me…. Sang apne tujhe pata tha
Darr ke ya jhagad ke tere anchal me chup jata tha
Pyara na hai tujhsa… tujhsa bhola nahi hai koi
Kaise mai batau kaisi tujhse ajab dosti…
Ki maa tu meri dost hai…
………………
Meri halki chotein teri ankhon ka aansu bani,
Badal tera anchal, chahe jitani ho dhoop ghani,
Tere dil me mere jeetane ki alag khwahishein,
Mujh par ho sada hi tere pyaar ki ye baarishein…
Ki ma tu meri dost hai…

Bani mai piya bawari

Piya bawari ……
Chulhe si tapati,
hu dil me sulagti,
Nahi mil rahe mere sajan..
Bani mai piya bawari…
Naino me basti,
Aansoo me simati,
Nami ko na samajhe re sajan
Bani mai piya bawari
1. Saundha sa har pal jivan me mere,
Unki hansi me base ja raha tha…
Unse lipat ke ghabrate mann ko,
Har ek ghadi me karar aa raha tha..
Unke Kadmo ki ahat se mere,
Dil ko brbas hi khumar araha tha
Unme yo chhip kar, sanso me ghul kar,
Gam ki ghadi me bh karar aa raha tha…
1. Kaun ghadi me kirano se bach kar,
Andhere me tum kahin kho gaye..
Naraj ho kya, kyu sapne yu rach kar,
adhoori jo kavita ki pankti se hum ho gaye..
kyu khamosh tum ho mera dil bulaye,
hai hum raah takte hain khud ko bichhaye..
naye aashiyaan se humne sapne sajaye..
jo jana hi tha to kyu ye sapne dikhaye

Kyu tu pareshan hai...

Kyu tu pareshan hai?-2
Naino me bas ja mere,
Chup ja tu mujhme kahin,
Rango me ram ja mere,
Bas ja tu ab to wahin….

1. Teri hansi ko tarasi,
Meri har-ek pal ki dua,
Boondo me rab ki barsi,
Aansu me lipati sada…
Tere jo dil me ho,
Khul ke tu bata de mujhko,
Maun na aise ho,
Khamoshi sataye mujhko…

2. Yaad hai mujhko,
Kabhi mai bhi aisi royi thi..
Simat ke tujhse,
Maine jindagi sanjoyi thi…
aaj tu chup sa hai,
chod kaise du tujhe,
saath ki jarurat hai,
aa chupa lu mai tujhe….

Kyu tu pareshaan hai....

kahin dhoop kahin chaav...

Hey ram tri duniya me,
Ye kaisi teri maya hai.....
Prabhu aisa kyu kiya tune kahin dhoop
kahin chaya hai....

peele patte jo jalti dhoop me
boondon ko tarse jaa rahe hain....
aur kahin behate hue gharon par
badal bekhauf barse jaa rahe hain....

jalti dhoop jo nanhe
nange pair jalaye jaa rahi hai
wahi pyari gudiya koi ,
thand me tadape ja rahi hai.... .1.

Hey ram tri duniya me,
Ye kaisi teri maya hai.....
Prabhu aisa kyu kiya tune kahin dhoop
kahin chaya hai....

kahin roti ki kilaat me
tadape hai koi
kahin jyada khakar
roye hai koi..

Koi mota hokar
Pareshan rehata
Koi dubli kaya
Hai phhonko me behata .2.

Hey ram tri duniya me,
Ye kaisi teri maya hai.....
Prabhu aisa kyu kiya tune kahin dhoop
kahin chaya hai....